Біріккен араб әмірліктері тұрғындары 2017 жылы ел аумағында халал туризмі бойынша 17,6 млрд доллар қаражат жұмсаған. Бұл туралы Дубайдың Сауда-өнеркәсіп палатасы есебінде жарияланды, деп жазады Islam.ru.

Аталмыш құжат Mastercard төлем жүйесі және Туризм және саяхат жөніндегі әлемдік кеңес деректері негізінде құрылған.  Осылайша әмірлік тұрғындары мұсылман халқы бар мемлекеттер арасында көш бастады. Екінші орынды 16 млрд доллар қаражатпен Сауд Арабиясы алды. Үшінші орынты Кувей (10,5 млрд доллар) иеленді.

Зерттеу құжаттарында әлемде халал туризмі өндірісінің көлемі 181 млрд долларды құрайды. Бұл көрсеткіш 2020 жылға дейін 221 млрд долларға өсе түседі. Осы кезеңде мұсылман туристер саны 131 млн-нан 156 млн-ға көбейеді. 2017 жылы әр турист орта есеппен 1381 доллар жұмсаса, 2020 жылы бұл көрсеткіш 1417 долларға сәйкес келеді.