Жерорта теңізінде босқындар өлімі көрсеткіші жыл соңына жетпестен рекордтық деңгейге жетті. Бұл туралы кеше БҰҰ Босқындар ісі бойынша агенттігі жариялаған баяндамада мәлім болды, деп жазады islam-today.ru.

Айта кету керек, 2018 жылдың қаңтар айынан шілде айы аралығында Жерорта теңізінде қаза болған және із-түзсіз кеткен босқындар саны 1600 адамнан асқан. Бұл дегеніміз әр 18 адамға 1 адамнан келеді – ал өткен жылы әр 43 адамның бірі теңізде ажал құшқан.

Құжатта биыл Еуропаға жеткен босқындардың саны 42%-ға төмендегені де ерекше ескерілген. «Бұл баяндама кезекті рет Жерорта теңізі арқылы сапарға шығудың қатерлі екенін көрсетеді» делінген агенттік мәлімдемесінде.