Бийск қаласындағы (Алтай өңірі) мектептердің бірінде екі жылға созылған ұлдар мен қыздарды бөліп оқыту тәжірибесі үлкен нәтиже берген. Бұл туралы Baq.kz ақпарат агенттігі Блокнот сайтына сілтеме жасап хабарлады. Тәжірибе нәтижесі бойынша екі сыныпта да сабақ үлгерімі жақсарған.
Аралас сыныптарда «төрт» және «беске» оқитындар саны орташа есеппен 50 пайыздан аспаса, жекеленген сыныпта қыздардың үлгерімі 89 пайызды, ал ұлдардың үлгерімі 65 пайызды көрсетті. Сонымен қатар, сабақ барысында жекеленген сыныпта барлық оқушылар оқу процесіне араласады. Ал, аралас сыныпта бұл көрсеткіш тек 40 пайызды құрайды.
Бұдан басқа, жекеленген сыныптарда жынысына қарай өзара бәсекелестік болмайды. Аралас сыныптарда ұлдар өзіне назар аудару үшін қыздардың мазасын алады, ал қыздарымыз «тәлпіштеніп» кетеді. Бұл оларды алаңдатып, оқуға назар аударуына кедергі келтіреді. Психолог Любовь Пивоварова атап өткендей, қыздар ұлдарға қарағанда пәнге бірден кіріп кете алмайды, алайда ұлдар сияқты олардың қызығушылығы жылдам төмендемейді. Ал, балаларды бөліп оқыту оларды әлеуметтендіруге кедергі келтіреді деген тұжымдаманы мамандар аңыз деп отыр. Балалар бәрібір бірге жүреді, әлеуметтік желілерде, көшеде және басқа да жағдайларда араласып тұрады.
Пікірлер (0)
Тіркелген қолданушылар ғана пікір қалдыра алады. Сайтқа кіру