Ұлыбританияда жүргізілген зерттеу нәтижесі Journal of Happiness Studies журналында жарияланды.

Ванкувер экономикалық мектебінің өкілдері Шон Гровер және Джон Хэлливелл Біріккен Корольдік азаматтарының моральды-психикалық жай-күйінің деңгейі туралы мәліметтері бар екі деректер базасына зерттеу жүргізген.

Бірінші базада 30 мың адамның отбасылық жағдайы мен олардың өз статусын субъективті бағалауы жөнінде ақпараттар болған. Ал екінші базада осыған ұқсас 350 мың британдық туралы мәліметтер қарастырылған.

Зерттеушілер осы деректер базасын зерделей отырып, некедегі адамдардың бойдақтарға қарағанда өмірдің рахатын сезінуі жоғары деңгейде екенін анықтады. Сол себепті отбасылы британдықтар бойдақтарға қарағанда өздерін бақыттырақ сезінетіні белгілі болып отыр.