Moscow Halal Expo — әлемдегі  ең ірі халал көрмелердің бірі.

Аталмыш халықаралық көрме 16 қараша күні ресейдің бас қаласы Мәскеуде басталмақ. Халал көрменің жұмысына әлемнің 40-тан аса елдерінде халал өнімдерін шығарушылар қатысады.

Баспасөздің мәлімдеуінше: «Көрме экспозициясында Ресей, Әзербайжан, Брунея,  Индонезия, Сауд Арабия, Малайзия, АҚШ, Түркия, Өзбекстан, Сирия және Мысыр компаниялары мен брендтері таныстырылмақ».

Көрмеде тек халал азық-түліктер ғана емес, сонымен қатар, киім және косметика сияқты басқа да өнімдердің болатындығы баса айтылған.

Сондай-ақ, Moscow Halal Expo аясында бірқатар пікірталастық алаңдар: семинарлар, форумдар және воркшоптар өткізу жоспарлануда.