Біріккен Араб Әмірлігінің бірқатар мектептеріне оқытудың аса ерекше әдістемесін енгізді.

«Иттердің оқуы» деп аталатын жаңа бағдарлама балаларды төрт аяқтылардың қатысуымен дауыстап оқуға үйретуге бағытталған, - деп жазады Gulf News.

Педагогтердің айтуынша, мұндай әдістеменің үлкен артықшылықтары бар, оның ең бастысы, бұл жағдайда бала өзін өте еркін сезініп, аз алаңдайтын көрінеді.

Алдын-ала алынған болжамдар бойынша, аталмыш әдістеменің көмегімен оқудың нәтижесі мен жылдамдығы үш есеге артқан екен.

Тәжірибеге қатысатын иттер алдын-ала арнайы үйретуден өтетіндігін айта кету керек.