Анталия қаласының тұрғыны Гюллюшен Гюзель 56 жасында тұңғыш рет ана болды. 58 жастағы күйеуі екеуі егіз баланың ата-анасы атанды. Жасының ұлғаюына байланысты әйелге жүктілік ауыр тиген.

9 ай ішінде Гюллюшен Гюзелдің қан қысымы жиі көтеріліп, Анталия университеті ауруханасында профессор Селахаттин Кумрудың бақылауында болған. Дәрігерлер әйел денсаулығын зерттей келе, 34 аптада кесіп алу арқылы босандырды.

Осылайша, өмірге Шукрие Фатманур және Биляль Вейсел есімді егіздер келді. 40 күннен кейін ата-аналарға денсаулығы қалыпты балаларын госпиталдан алуға рұқсат берілді.