Сауд Арабиясы ғарыштық туризмге кем дегенде, 1 миллиард доллар салуға ниетті екенін мәлімдеді.  

САК мұрагер ханзадасы Мұхаммед бен Салманның мәлімдеуінше, сауд үкіметі жеке ғарыш ұшуларын ұйымдастыратын британ миллиардері Ричард Брэнсонның компанияларымен тиісті келісімдер жасасқан.

Бұл келісімдерге сәйкес Сауд Арабия және иесі Брэнсон болып табылатын Virgin Group корпорациясы әртүрлі салада, соның ішінде, ғарыштық туризмді жетілдіру саласында да серіктес болмақ.  

Сауд мұрагер ханзадасының айтуына қарағанда, экономиканы әртараптандыруда бұл серіктестік үлкен жетістіктерге жеткізбек.