Жаңашыл қала араб мемлекеттерін Америка, Еуропа, Африка және Азямен байланыстыратын болады. 

Жуырда Сауд Арабияда Неом деген қала пайда болады, бұл қала жаңартпа мен сауда-саттықтың жаһандық орталығы болмақ. 

Әлемдегі ең жаңашыл қаланың салынып жатқандығы туралы Сауд Арабия ханзадасы Мұхаммед бен Салман Әл-Саудтың өзі жариялаған.

«Сауд Арабия 2030 жылға дейін стратегиялық даму аясында Неом атты жаһандық жаңа ұрпақ қаласын салмақшы, бұл жаңашыл хаб өркениеттер қиылысуының жаһандық орталығына айналады», - деп келтірілген Эр-Риядта өткен Future investment initiative форумындағы жаңа жобаның тұсаукесерінде.

Аталмыш қала корольдіктің солтүстігінде орналасатын болады. Қала көлемі 25 мың шаршы километр жерді алмақ. Алдын-ала есептеу бойынша құрылыстың құны 500 миллиард доллар деп бағалануда. Бұл қала араб мемлекеттерін Америка, Еуропа, Африка және Азиямен байланыстырушы басты буын болады деп ұйғарылуда.