Жуырда Қытай елінде мұсылмандарға қатысты жаңа жазалау шаралары басталғаны туралы жаңалық күллі әлемге таралып та кетті. Басым көпшілігі исламды ұстанатын этникалық ұйғырлар тұратын Синьцзян өңіріндегі мұсылмандарға діни бұйымдарын, соның ішінде, Құран нұсқаларын және жайнамаздарын өткізу міндеттелген екен. Ал  билікке бағынбаған жандарға қатаң жазалар қарастырылған.

Бұл жаңалыққа танымал футболшы – мұсылман Демба Ба өз Твиттер парақшасына иман келтіргендерді жәбірлеушілерге арнап көркем жауап жазған екен:

«Егер олар мұсылмандардың жалаңаш еденге намаз оқи алатынын, ал миллиондаған мүміндердің Құранды жатқа білетінін білсе, онда олар иман келтіргендердің жүректерін өткізуге міндеттеуші еді».

Футболшының мұндай жауабы оның парақшасына жазылғандар мен әсіре жанкүйерлерін бей-жай қалдырмаған, олар Демба Баның жәбірлеушілерге берген лайықты да көркем жауабына тәнті болғандарын білдірген.