Брюсселде исламның Еуропаға әсер етуін баяндайтын көрме өтуде. Оның мақсаты – исламның Еуропаға қалай әсер еткенін көрсету.  Көрменің атауы - «Islam. It’s Also Our History» («Ислам. Бұл біздің де тарихымыз»).

Көрме 2018 жылдың 21 қаңтарына дейін жұмыс жасайды. Экспозицияда Еуропадағы ислам тарихын баяндайтын орта ғасырға және қазіргі заманға тән артефактілер бар.

«Исламның Еуропаға жат құбылыс емес, керісінше, 13 ғасырлық тарихы бар оның ажырамас бөлігі екендігін көрсеткіміз келеді», – деп Gulf News баспасы көрмені көркемдеуші тарихшы Изабель Бенуаның сөзін дәйексөз ретінде келтірген.