Мәрия Маргани Мұхаммед

104 жасар Мәрия Маргани Мұхаммед – осы жылы қажылық парызын өтеуге қасиетті Мекке мен Мединеге келген мұсылмандардың ішіндегі ең қарт қажылардың бірі.  

Бұл жөнінде «Марва» ресурсы жазған. Жидда әуежайында бортында индонезиялық қарт әже қажысы бар ұшақты ерекше құрметпен күтіп алған. Көп жасаған әжені қарсы алып, оған өз құрметтерін көрсетуге Сауд Арабия Мәдениет министрлігінің өкілдері мен индонезиялық консул келген.
Естеріңізге сала кетсек, Индонезия – әлемдегі тұрғындарының басым көпшілігі мұсылмандар болып келетін мемлекет.  Үстіміздегі жылы осы елдің 220 мың тұрғыны қажылық парызын өтеген.