Марокконың туристік бюджетінің 1,5% пайызын — Сауд Арабия королінің отбасы мен оның мың адамнан тұратын нөкерлерінің демалысын ұйымдастыру барысындағы шығыны жапқан екен.
Корольден басқа оның кеңесшілері мен министрлері бар делегация құрамы Марокконың ең үздік деген отельдеріне орналасқан.
Катар әміршісі Тамим бин Бамад Әл-Тани (сол жақта) мен Сауд Арабия королі Салман бин Абдулазиздің Танжердегі кездесуі.
Салман Сауд елге келе салғанда, оны Марокконың премьер-министрі Саад Эддин Эл Отмани қарсы алған. Корольмен бірге құрамында министрлері, кеңесшілері, туыстары, қауіпсіздік қызметінің қызметкерлері мен серіктестері бар мыңнан аса адам келген. 800-ден астам мейманхана нөмірлеріне тапсырыс беріліп, корольдің өзімен бірге әкелінген көліктеріне қоса 200 автокөліктер жалға алынған екен. Делегацияны қарсы алуға қоғамдық тамақтандырудың ең үздік компаниялары тартылған екен.
Корольдің өзі Танжерде орналасқан көлемі 30 га болатын жаздық сарайында демалған. Салман Париждегі пәтерлері мен Көкшіл жағалаудағы қамалдарына және бүкіл жер жүзіндегі басқа да жылжымайтын мүліктеріне қарамастан, оның сүйікті демалыс орны болып Танжер қала береді.
Корольдің келуіне қарай жыл бойы оның жаздық резиденциясында тікұшақ алаңдары, бірнеше жаңа ғимараттар салынып, сондай-ақ, көлемі цирк алаңындай болатын шатыр жасалған екен. Көлемі 1500 метр болатын ат шаптырым жер дуалмен қоршалып, мароккалық король гвардиясының 30 мүшесімен күзетіледі. Бұл жерде сән-салтанат құрып өмір сүруге арналған барлық қажетті дүниелер, тіпті жекеменшік медициналық орындар мен мейрамханаларға дейін бар.
Пікірлер (0)
Тіркелген қолданушылар ғана пікір қалдыра алады. Сайтқа кіру