Дубай — Біріккен Араб Әмірліктерінің ең үлкен қаласы. Мұнда орналасқан 163 қабаттық Бурж Халифа ғимараты әлемдегі ең биік ғимарат болып саналады. Төрт жылдың ішінде 50 мың адамның күшімен салынған осы мекеменің биіктігі 828 метрді құрайды екен. Алайда бұл тек Дубайдағы таң қалдырарлық жайттардың бірі ғана.

Егер төлқұжатыңызда Израильдің визасы бар болса, онда сізді БАӘ кіргізбейді. Сол үшін де көптеген туристер Дубайға келу үшін шетел төлқұжатын жасатады екен.

Статистикалық мәліметтерге сүйенетін болсақ, Дубай тұрғындарының 90% аталмыш қалаға жұмыс іздеп келіп тұрақтап қалғандар екен.

Жеті жұлдызды қонақ үй, билеуіш субұрқақтар, Әл-Джумейра саябағы сияқты түрлі демалыс орындары туристерді Дубайға тартады.