Үндістанда рухани азыққа мұқтаж мүгедек-мұсылмандарға жағдай жасалмақ. Жақында Керала штатындағы Малаппурам қаласында орналасқан мешітте уағыздар мен дәрістер есту жағынан жарымжандарға арнайы ишарат тілінде де жүргізілмек.

"Ар-Рахма" мешітіне 500 кісі сыяды. Енді әрбір жұма сайын мешітке ишарат тілінің маманы келіп, нашар еститіндер үшін уағызды синхронды түрде аударып отыратын болады. Шақырылатын маманның саусақ ишараттары дұрыс көрінуі үшін мешітке арнайы орнатылған телеэкрандардан көрсетілетін болады.