Амстердам мұсылмандары тамақ жарнамасын тек күн батқан соң ғана көретін болады.

Голландиялық жарнама компаниясы Etcetera қасиетті Рамазан айында ораза ұстап жүрген мұсылмандардың жайлылығына қам жасаған.  

Компания Halal Fried Chicken  жылдам халал желілеріне арнап арнайы  билборд дайындаған, оның ерекшелігі – ол тек күн ұясына бата «жұмыс жасай» бастайды.

Тәбетті ашатын халал тауық аяқтарының фотолары билбордқа кеш батқан соң ғана шыға бастайды. Рамазанға арналған жарнама билбордтары голландияның ірі қалалары Амстердам мен Роттердамдағы  бірнеше автобус және трамвай аялдамаларында пайда болған.

Естеріңізге сала кетсек, үстіміздегі жылдың 27 мамырында басталған қасиетті Рамазан айында мұсылмандар – таң атқаннан күн ұясына батқанша ас пен судан тыйылып ораза ұстайды.