Мысырдың Пәтуа шығару басқармасы бас мүфтиі Ибрахим Шауқи Қазақстанның Египеттегі елшісі Арман Исағалиевпен ресми кездесуінде дін саласындағы қарым-қатынасты арттыруға қатысты ой-пікірлерін жеткізді.

«Мысыр мен Қазақстан арасындағы әсіресе дін саласы бойынша қарым-қатынас өте жоғарғы деңгейде деп айуға негіз бар. Өйткені, біз әр жылда қазақстандық студенттерді әл-Азһар университетіне қабылдап отырмыз. Бұған қоса біздің тарап осы уақытқа дейін көптеген пәтуа шығарушы қазақстандық мамандарды даярлады» деді И.Шауқи.

Қазақстандық елші А.Исағалиев өз кезегінде экстремизм мен терроризмге қарсы күрес бағытында Қазақстанның Мысырдан алар тәжірибесі көп екенін атап кетті.

kazislam.kz