Майк Пенс Индонезияда

Ресми іс-сапармен Индонезияда жүрген АҚШ-тың вице-президенті Майк Пенс Оңтүстік-Шығыс Азиядағы ең ірі мұсылман мешіті болып табылатын Джакартада орналасқан Истикляль мешітінде болды.  

Ислам дәстүрі мен мәдениетіне көрсеткен құрметтері ретінде, Пенстің жұбайы мен қызы мешітке кірген кезде бастарына орамал тақты.

«Менің елімдегідей, сіздердің елдеріңізде де дін – адамдарды бөлмейтін, керісінше, табыстыратын құрал болып табылады», - деді  христиан-евангелист Майк Пенс.

Осы елдің мұсылман дәстүрін орынды ұстанушыларды ол «күллі әлемнің шабыты» болып табылады деп атап өтті.