Қажылар терминалдың қасында

Бұдан былай мұсылмандардың қасиетті екі – Меккедегі әл-Харам мен Мединедегі Пайғамбарымыз Мұхаммедтің (оған Алланың салауаты мен сәлемі болсын) - мешіттеріндегі қызметшілердің жұмысын «смайликтердің» көмегімен бағалайтын болады.  

Қажыларға көрсетілетін қызметті бағалауға арналған арнайы терминалдар мұсылмандардың екі мешітінде де орналасқан.

Қызметшілердің жұмысын бағалау үшін әрқайсысында сәйкесінше эмоция белгіленген төрт батырманы басу жеткілікті болады.  

Төрт «смайликтің» «жаман», «қанағаттанарлық», «жақсы» және «өте жақсы» дегенді білдіретін ашық қызыл түстен, ашық жасыл түске дейінгі әр түсін таңдауға болады.