Бұрын-соңды болмаған суық қазірдің өзінде Еуропада жиырмаға жуық адамның өліміне себепші болды. Стамбұлда соңғы бірнеше күн ішінде температура -15 градусқа дейін төмендеді.

Мұндай жағдайларда баспанасыз, көше кезген жануарлар жылу таба алмай қатып өлім құшуда. Стамбұлда, сондай-ақ басқа да бірнеше түрік қалаларында қаңғыбас иттердің жағдайы өткір мәселе болып отыр.

Жергілікті еріктілер қала көшелері мен саябақтарда жүретін төрт аяқты "тұрғындарға" көмектесіп, көрпе мен төсек жапқыш жауып, оларды орап жылытуда.

Иттер жиі жылы көрінетін сауда орталықтарының жарық терезесінің жанында жиналады. 

Аталған науқанға сауда орталығына келген сатып алушылар да ат салысып, үйінен жылы көрпелерін алып қайта келуде.

Фото: Anadolu

Пайғамбарымыздың (оған Алланың игілігі мен сәлемі болсын) қасындағы сахабалардың бірі:

– Уа, Алланың елшісі! Жануарларға да жасаған жақсылықтарымыз үшін сауап беріле ме? – деп сұраған кезде, Пайғамбарымыз (оған Алланың игілігі мен сәлемі болсын):

– Иә, әрбір жануарға  жұмсақтық жасағаның үшін сауап бар, –  деген . (Бухари, Ширб, 9; Муслим, Сәләм, 153, (2244))

hibatulla.kz