Катарда 2022 жылы өтетін футболдан әлем чемпионаты кезінде алкоголь өнімдерін тұтынуды шектейтін болады. Шектеу барлық жерде емес, қоғамдық орындарда және көшеде ішуге рұқсат етілмейді.

«Сондай-ақ, стадиондарда және олардың маңында спирттік ішімдіктерді сату мен қолануға тыйым салынады. Чемпионат кезінде Катар өзінің сан ғасырлық дәстүрі мен заңдарын аяқасты ете алмайды»,- дейді Катар 2022 жылғы Әлем кубогы ұйымдастыру комитетінің бас хатшысы Хасан Әл-Тауад .

Хабарда алкогольге бүкілдей тыйым салынбайтыны жайлы да айтылған. Футбол қонақтары ішімдікті қонақүйде пайдалануға болады. Сонымен қатар, сарапшылар мұндай тыйым ФИФА және Чемпионаттың демеушілері арасындағы араздықты тудыруы мүмкін деп есептейді.