Өткен аптада Германияның Киль қаласында баласын мешітке жібермеген ата-ана мен мектеп арасында дау туындады. Ата-ана өз баласын жергілікті мешітке танымдық мақсаттағы экскурсияға жібермегені үшін 300 еуро айыппұл салынды.

Қысқа мерзімді уақытта олар сот алдында жауапқа тартылған. Киль қаласының  Білім департаменті оларға мектеп бағдарламасына сәйкес оқушылар мешітке баруға тиіс деп бұйрық шығарған.

Сонымен қатар, құжатта балалардың құрбы-құрдастары мұсылман ғибадатханасында саяхаттап жүргенде олардың сыныпта немесе үйде отыруына болмайды деп көрсетілген. Департамент өкілдері балаларға Ислам және мұсылмандар әлемі жайлы дұрыс түсінік қалыптастыру үшін мешітке саяхат жасаудың маңыздылығын атап өтті.