2020 жылға таман әлемдік нарықтағы «халал» 10%-дан асады әрі одан түсер пайда 3,7 триллион доллармен есептелетін болады. Бұл жөнінде әлемнің әр қиырынан келген сарапшылар Дубайда өткен Дүниежүзілік ислам экономикалық саммитінде айтты.

«Бүгінгі күні халал – бұл тек қана тамақ емес, ол адамзат өмірімен байланысты дүниелердің бәрі: медицина, косметика, фармацевтика, туризм және басқалары», - дейді Халықаралық "Халал" сертификаттау орталығының өкілі Амина Ахмед Мұхаммед.

Әсіресе, халал туризмнің дамуы өз келешегінен мол үміт күттіреді. Қазіргі таңда қажылықты қоспағанда, әлемдік туризм нарығының 12% үлесі халал қызмет көрсету туризміне тиесілі.

Бірнеше он жылдықтан кейін мұсылмандардың саны христиандардың санына тең келетінін ескере отырып, талдаушылар халал бизнес келешегінің зор екеніне сенім білдіреді.

Muftyat.kz