Мәскеуде алғаш рет мазһабтарды жақындастыру мақсатында дүниежүзілік форум өтеді.

Форум «Исламның бірлігі – мұсылманның бірлігі» деген тақырыппен 18-20 қазан күндері өтеді деп жоспарлануда.

Форумға қатысушылар ең өзекті мәселелер бойынша сөз қозғайды. Форумға Таяу Шығыстағы діни ұйымдардың басшылары қатысады деп күтілуде. Сонымен бірге, Ресей, ТМД, Еуропа, Солтүстік Африка және Оңтүстік-Шығыс Азия елдерінен келген өкілдер қатысады.

Ресей Федерациясы Діни басқармасының өкілі былай деді: «Қазіргі таңда мұсылмандар әл-Каида мен ИШИМ сынды террорлық ұйымдардың кесірінен түрлі қиындықтарды басынан өткеруде. Осы мәселелер жайлы бүкіл Ислам әлемі болып талқылап, жауап іздеу мақсатында аталмыш шараны ұйымдастырып отырмыз.»

Ұйымдастырушылардың айтуынша мәзһабтардың жақындасуы үшін фиқһ ілімін зерттеу басты назарда болмақ.

Muftyat.kz