Мексика ет өндірушілері Сауд Арабиясы мен Катар, соның ішінде Таяу Шығыстағы елдерге халал өнімдерін (мұсылманша өнімдерді меңзейді) жеткізе бастады, бұл туралы Кальсада Ровироса Мехикода өткен Латын Америкасы Ауыл шаруашылығы министрлерінің баспасөз мәслихатында мәлімдеді, деп хабарлайды Muftyat.kz.

«Бізде халал өнімдерін өндіріп жатқан және өндіруге ниетті көптеген өнеркәсіп орындары бар, мұндай өнімдер Таяу Шығыс елдерін қызықтыратыны анық», - деп атап өтті Кальсада Ровироса.

Оның айтуынша, қазірдің өзінде атылмыш өнімдерді экспорттау аз мөлшерде болса да басталған, бірақ оларды жақын болашақта шындап ұлғайту жоспарлануда.

Өз кезегінде, ауыл шаруашылығы жөніндегі Мексика Ұлттық Кеңесінің басшысы Бенхамин Грайеб Таяу Шығыс елдеріне алдағы үш жылда жеткізілетін халал экспорт көлемін 1 млрд долларға бағалады.

«Muftyat.kz»