Вашингтон университетінің студенті Навид Азоди өзінің курстас досы Томас Прайормен бірлесе отырып, супертехнологиялық қолғаптар жасап шығарды. Олар ойлап тапқан қолғаптар ым тілінде берілген ақпараттарды жазбаша және ауызша түрде айтып береді. Студенттер бұл ғылыми жаңалықтары үшін Массачусет технологиялық университетінің жүлдесіне ие болып отыр.

Жапсырылған сенсорлар арқылы қозғалыс пен ишараны қабылдаған қолғаптар ақпаратты компьютерге жолдап тұрады. Ал, ондағы тілдік бірліктер арқылы құралған сөз дауыскүшейткіштен айтылады немесе жазбаша нұсқасы көрсетіледі.