Сауд Арабиясында жүрген 220 филиппиндік рамазан айындағы мұсылмандардың мейірімділігі мен қонақжайлығына тәнті болып, Ислам дінін қабылдап, мұсылман атанды.

«Олар бірнеше күн бойы ауызашарға келіп жүрді. Сосын біз оларды ислам дінін қабылдауға шақырдық. Олар бірден келісті», – дейді Мекке қаласы бойынша дін насихаты басқармасының директоры, шейх Салим әл-Мабади.

Сауд Арабиясында рамазан айы кезінде ауқымды ауызашар дастарханын жайып, шетелдік қонақтарды шақыру үрдісі кеңінен таралған. Айта кетейік, өткен аптада Эр-Рияд қаласында филиппиндік 20 дәрігер тарауих намазынан соң Ислам дінін қабылдаған болатын.