Сауд Арабиясы Ішкі істер және Қажылық министрлігі аталмыш бастаманың тиімділігін тексерістен өткізді. Енді аталмыш ведомства осы жобаны іс жүзінде қолдануды көздейді.

Электронды білезік ең алдымен су өткізбейтін материалдан жасалған. Ондағы штрих кодта әр адамның жеке деректері, қайдан келгені туралы мәліметтер және медициналық анықтамасы сақталады.

Штрих кодты бір ғана рет сканерлеу арқылы қажылыққа келген адам туралы барлық ақпаратты алуға болады.

Айта кетейік, аталмыш білезік қажыларды анықтау мәселесінде жергілікті билікке тиімді болуымен қатар, әрбір қажы үшін де оңтайлы болмақ. Онда білезік таққан әр мұсылман GPS жүйесін қолдана алады, сондай-ақ намаз уақыты мен құбыла бағытын анықтау мүмкіндігі қарастырылған.

ummet.kz