«Сауд елі салатын ірі орталық Ауғанстан, Пәкістан және өзге де елдегі медреселерде экстремизм, терроризм мен фундаментализмді өршітпейді, керісінше келісім, ынтымаққа бастайды деп сенеміз» дейді өз сұхбатында ауған исламтанушысы Хидаятуллах Хидаят.

Айта кету керек, Қабулда салынатын орталықтың құны 100 млн долларға бағаланып отыр. Онда 5 мыңдай студент ілім алатын болады. Аталмыш ислам орталығында 15 мың адамға есептелген Сауд королі Абдулла бин Абдулазиз атындағы мешіт және ислам университеті салынады.

«Бізде Ауған жерінде бейбітшілікті нығайтудың көптеген мүмкіндіктері бар. Сауд Арабиясы Ауған елі мен Пәкістанмен тығыз қарым-қатынаста. Біз осы елдегі қауіпсіздік пен бейбітшілікті жақсартуға күш салғымыз келеді» дейді Ауғанстандағы Сауд Арабиясының елшісі Мисфир бин Абдуррахман әл-Ғасиб.

Елші Сауд елі атынан Қабулда бой көтеретін ірі ислам орталығының құрылысын жүргізетін компаниямен келісім-шартқа қол қойды. 

ummet.kz