«Біз бұдан былай алкогольді ішімдіктер сатпаймыз» деп жазылған Бермондси Сквер қонақ үйінің баспасөз парағында. Бес жұлдызды қонақ үй әкімшілігі британ астанасы қонақтарын мейманхананың «алкогольсіз өнімдердің кең ассортиментіне» назар аударуға шақырды.

«Біз спиртті ішімдіктер сатпаймыз. Жаңа инвесторымыз алкогольден табыс табуды қаламайды» дейді қонақ үй қызметкері.

Ал, әзірше ағылшынның маңдайалды мейманханасының жаңа иесінің кім екендігі айтылмайды. Дегенмен, оның ислам шариғатын ұстанған мұсылман екендігі белгілі болды. Ал, мұсылман баласы алкогольді өнімдермен айналыспайтыны бесенеден белгілі.

ummet.kz