Өткен аптаның жексенбісінде Нью-Иорк штатындағы Чиктовага қаласының тұрғындарын таңғалдырған жағдай орын алды. Жергілікті сауда орталығына бас сұққан қала тұрғындарына бұл күні WNY Muslims деп аталатын белсенді топ мүшелері гүл таратты.

Адамдарға көтеріңкі көңіл-күй сыйлаумен қатар, өмірлік маңызы бар өсиеттерді де жеткізуге ұйғарған жастар әрбір гүл шоғына Мұхаммед, Иса және Мұса пайғамбарлардың нақыл сөздері жазылған қағаз қыстыруды жөн санапты.

«Біздің мақсатымыз – қарапайым ғана гүл шоғын сыйлау арқылы дінаралық диалогты дамыту, адамдар арасындағы бауырмалдықты нығайту», – дейді аталмыш топтың белсенді мүшелерінің бірі Самад Хан есімді жігіт. 

muslim.kz