Шешенстан президенті Рамазан Қадыровтың 10 жасар қызы Табарик Кадырова Құран Кәрімді толық жаттап шықты.

Әлеуметтік желілерде, Шешенстан басшысы: «Бүгін біздің отбасымызда үлкен қуанышты жағдай болып отыр. Табарак қызым Құран Кәрімді толық жаттап «қари» атанды. Табарак бар жоғы 10 жаста. Бірақ ол Құранды шынайы ықыласымен жаттап шықты. Оның ата-бабалары бүкіл өмірін осы Алланың хақ жолында сарп еткен болатын», – дейді.

Оған қоса Рамазан Қадыров: «Қазір Шешенстанның аумағында исламды үйренуге және оны ұстануға барлық жағдай жасалған. Ал, бұрындары Шешенстанда мешіттер жоқ еді. Құран үйреткен кісілер абақтыға қамалатын», – деп, еске алған Рамазан Қадыров бүгінде Шешенстан Республикасында жүздеген мешіттер, 5 қарилар орталығы және 1 ислам университеті бар екендігін жеткізді.

Айта кететін жағдай, осыдан алдын Рамазан Кадыровтың 6 баласы қари атанған болатын. Олар: Айшат, Хутмат және Хадижат қыздары. Ұлдары Али, Ахмад және Адам.

muftyat.kz