Американың Миссури штаты Сент-Луис қаласының мұсылмандық ұйымдары алғаш рет қайырымдылық жүгіру марафонын ұйымдастырмақшы - деп Ансар.ру сайты хабарлайды.

Марафонның мақсаты өңірдің шығысын мекен ететін тұрмыс жағдайы төмен, баспанасыз отбасыларына көмек көрсету. Аталмыш аймақ тұрғындарының 23% пайызы яғни, 80 675 адам кедейлік тауқыметін кешетін көрінеді.

 «Пайғамбарымыз (с.ғ.с.) хадисінде: Исламның бір қыры ол мұқтаж жандарды тойдыру. Біз Американдық мұсылмандармыз, Ислам бізге мұқтаждарға көмектесуді үйретті» - дейді қайырымдылық іс-шарасының басшысы Аббас Али.

Бұдан бөлек, америкалық ислам жастар ұйымы жергілікті Ислам орталығының алдында әр аптаның сенбісінде  түскі ас таратады.

Алғаш ұйымдастырылмақ болған қайырымдылық жүгіру жобасы сәуірдің 20 күніне жоспарлануда.

muftyat.kz