Қазақстан мұсылмандары діни басқармасы мен Мысыр Араб Республикасының әл-Әзһар университеті арасындағы ғылыми ынтымақтастық келісімге сәйкес, 7 имам 3 айлық білім жетілдіру курсында ілім алуға аттанды.
Діни басқармада Аппарат жетекшісі Ғылымбек Мәжиевтің төрағалығымен мәжіліс өтіп, Мысырда білім алатын имамдарға нұсқаулықтар мен бағыт-бағдар берілді. ҚМДБ Оқу-ағарту бөлімінің меңгерушісі Бақтыбай Бейсенбаев дін қызметкерлеріне сәттілік тілеп, тиісті кеңестерімен бөлісті.
«Әйгілі әл-Әзһар университетінде білім алу – үлкен абырой һәм жауапкершілік. Сондықтан оқуда белсенділік танытып, талмай ілім алуларыңызға тілектеспін», – деді Ғылымбек Мәжиев.
Айта кетейік, еліміздің әр аймағынан келген 7 имам арнайы куәлік алады.

www.muftyat.kz