Бүгін Қазақстан мұсылмандары діни басқармасында ғалымдар, зиялы қауым өкілдерінің қатысуымен өткен «Ислам энциклопедиясы» кітабының тұсаукесер рәсімінде Бас мүфти Наурызбай қажы Тағанұлы осылай деді.

«Біріншіден, осы энциклопедия арқылы оқырмандар Ислам құндылықтары туралы нақты әрі шынайы ақпарат алады. Екіншіден, діни ұғымдар мен атаулардың орфографиялық жазу емлесі бір жүйеге түседі.

Үшіншіден, «Ислам энциклопедиясында» қамтылған материалдар келісімшарт негізінде халықаралық WIKIPEDIA базасына ұсынылады. Төртіншіден, жас зерттеушілердің көмекші құралы ретінде осы саладағы іргелі зерттеулерге негіз болады. Бесіншіден, қазақ тарихы мен мәдениетіндегі Исламның орны шынайы дәйектер мен нақты деректер негізінде толық жүйеленіп, бір ізге түседі» деп атап өтті ҚМДБ Төрағасы.