Бүгін Қазақстан мұсылмандары діни басқармасының төрағасы Наурызбай қажы Тағанұлы Қостанай өңіріне сапары барысында Арқалық қалалық «Мұхтасиб Әлмұхаммед» мешітінің тынысымен танысты.

Бас мүфти аудан әкімі Әмірхан Біркенұлы және мешіт ақсақалдарымен жүздесіп, сұхбаттасты. Сондай-ақ мешіт музейін тамашалап, Қостанай өңірінің дін қайраткері, тарихи тұлға Әлмұхаммед Оспанұлының қолданған заттары, киімдері мен қолжазбалары, кітаптарымен танысты.

Айта кетейік, бүгін Бас мүфти Наурызбай қажы Тағанұлы Арқалық қаласында үйі суға кетіп, баспанасыз қалған өңір тұрғындарына пәтер кілтін табыстайды.