ҚМДБ Уағыз-насихат бөлімінің меңгерушісі Батыржан Мансұров Мысыр Араб Республикасына барған сапарында Каирде қазақстандық студенттермен кездесіп, насихат айтты.

Батыржан Берденұлы жерлестерге Бас мүфти Наурызбай қажы Тағанұлының дұғай сәлемін жеткізіп, дін мен дәстүр сабақтастығы жайлы ойларын бөлісті.

Еркін пікір алмасу форматында өткен кездесуде студенттер көкейде жүрген сұрақтарын қойып, жауап алды. Батыржан Мансұров жастарды терең білім алып, еліміз бен жеріміздің игілігі үшін қызмет етуге шақырды.