Таң

Күн

Бесін

Екінті

Ақшам

Құптан

БАС МҮФТИ: ИМАМНЫҢ ӘР СӘТІ – ЖАУАПКЕРШІЛІК

ҚМДБ баспасөз қызметі muftyat.kz 04.06.2020 3769 0 пікір
БАС МҮФТИ: ИМАМНЫҢ ӘР СӘТІ – ЖАУАПКЕРШІЛІК

Қазақстан мұсылмандары діни басқармасының төрағасы Наурызбай қажы Тағанұлы Маңғыстау облысындағы имамдарға берген дәрісінде осылай деді. 

«Зияткер имам келбеті» тақырыбында өрбіген дәрісте Бас мүфти дін қызметкерінің жауапкершілігіне тоқталды.

«Имамның әр сәті – жауапкершілік. Үйде, қызметте, қоғамдық ортада, т.б. жерде жүрсек те халық дін қызметкерінен әдеп пен көркем мінез-құлықты күтеді. Өйткені біз Алланың аманатын арқалап жүрген жанбыз. Халықты имандылыққа үндейтін имамның бойында ізгілік құндылықтары үнемі көрініс тауып отыруы тиіс. Өзара ұйымдасып дінге, халыққа қызмет етуде ыждаһат танытып, белсенді болыңыздар. Халыққа қызмет етуден асқан ғазиз нәрсе жоқ. Адамның алғысын алған пенде Алланың да ризалығына бөленеді. Баршаңызды жұртқа жақсылық жасауда өзара жарысуға шақырамын» деді Наурызбай қажы Тағанұлы.

Сонымен қатар Бас мүфти өз дәрісінде дін қызметкерлерін әлеуметтік желінің әлеуеті мен игілігін тиімді пайдалануға үндеді. Кездесу соңында ҚМДБ Төрағасы маңғыстаулық имамдарға нақты тапсырмалар берді.

Пікірлер (0)

Тіркелген қолданушылар ғана пікір қалдыра алады. Сайтқа кіру