Таң

Күн

Бесін

Екінті

Ақшам

Құптан

ҚМДБ: БАРЛЫҚ МЕШІТТЕ ДҰҒА ЖАСАЛАДЫ

ҚМДБ баспасөз қызметі https://www.muftyat.kz/ 27.12.2019 4302 0 пікір
ҚМДБ: БАРЛЫҚ МЕШІТТЕ ДҰҒА ЖАСАЛАДЫ

Қазақстан мұсылмандары діни басқармасының төрағасы Серікбай қажы Ораз Алматы облысында болған қайғылы оқиғаға байланысты қасиетті жұма намазынан кейін жамағатпен дұға жасауды тапсырды.

Мұсылманның өзге мұсылманның алдында міндеттері бар. Соның бірі – мұсылман бауыры үшін дұға жасау, жақсылық тілеу. Апаттан аман қалғандар үшін шипа сұрау, ал марқұм болғандарға Алладан мейірім, кешірім тілеу – мұсылманның міндеті. 

Біз де қасиетті жұма күні апаттан жарақат алған барша бауырларымызға шипа сұраймыз, марқұм болғандардың артында қалған отбасыларға қайғыларына ортақтасып көңіл айтамыз.

Айта кетсек, бүгін таңда Алматыдан Нұр-Сұлтанға бағыт алған «Бек Эйр» әуе компаниясының №Z2100 рейсі ұшу кезінде апатқа ұшырады. Болған оқиғаға байланысты Бас мүфти ұшақ апатынан қаза болған азаматтардың отбасына көңіл айтты.

Пікірлер (0)

Тіркелген қолданушылар ғана пікір қалдыра алады. Сайтқа кіру