Таң

Күн

Бесін

Екінті

Ақшам

Құптан

Алматы маңында ұшақ апаты болды

Әбу Назар 27.12.2019 3598 0 пікір
Алматы маңында ұшақ апаты болды

Бүгін таңда Алматыдан Нұр-Сұлтанға бағыт алған «Бек Эйр» әуе компаниясының №Z2100 рейсі ұшу кезінде апатқа ұшырады.

Ұшақ бетон қоршауды сындырып, қос қабатты құрылысқа барып соғылған. Қазір оқиға орнында құтқару жұмыстары жүріп жатыр.

Болған жағдайға байланысты Мемлекет басшысы Қасым-Жомарт Тоқаев апаттан қаза тапқан азаматтардың туыстарына көңіл айтып, зардап шеккендерге көмек жасалатынын жеткізді.

Президенттің Баспасөз хатшысы Берік Уәли «Президент зардап шеккендерге көмек көрсетілетінін хабарлады. Апаттың себебін анықтау үшін Премьер-министр Асқар Маминнің төрағалығымен арнайы үкіметтік комиссия құрылғанын атап көрсетті. Сонымен қатар кінәлілер заңға сәйкес қатаң жазаланатынын мәлім етті» деп хабарлады.

Мәліметтерге қарағанда, ұшақ бортында 95 жолаушы (оның 5-еуі экипаж мүшесі) болған. Қаза тапқандар саны 12 адамға жетті. Бұл туралы Орталық коммуникациялар қызметінің ресми өкілі Әлібек Әбділов хабарлады.

Алла Тағала марқұмдарды рақымына бөлегей!

Пікірлер (0)

Тіркелген қолданушылар ғана пікір қалдыра алады. Сайтқа кіру