Шымкент қаласы Абай аудандық мешітінің ұйытқы болуымен «Мәшһүр Жүсіп һәм Ихсан ілімі» атты танымдық діни семинар өтті.

Семинар жұмысына Шымкент қаласының бас имамы Бақдәулет Нұрматұлы, Абай аудандық «Нұр-Төбе» мешітінің бас имамы Бердалы Жәміш, ЖАНТ мүшесі – «Атамекен» мешітінің бас имамы Дәулет Туленов және мешіт имамдары қатысты.

Аталмыш семинарда ЖАНТ мүшесі – «Атамекен» мешітінің бас имамы Дәулет қажы Туленов Ихсан ілімі туралы дәріс оқыды. Сондай-ақ, жуырда жарық көрген «Ихсан - рухани тәрбие негізі» кітабы таныстырылды.

Танымдық рухани шара соңында барлық қатысушыларға Ихсан іліміне байланысты ҚМДБ тарапынан берілген жұмыс жоспары таныстырылды.