Түркістан облысының бас имамы Еркебұлан Қарақұлов Сайрам ауданының әкімімен Ұласбек Сәдібековпен жүздесіп, діни ахуалды талқылады.

Кездесуде Еркебұлан Қарақұлов әкімге Бас мүфти Наурызбай қажы Тағанұлының бастамасымен жарық көрген «Ихсан – рухани тәрбие негізі» кітабын тарту етті. Сондай-ақ бас имам Ақсукентте «Имамдар аллеясы», Қарасу ауылында діни сауат ашу курстарына арналған оқу ғимаратының ашылуына қатысты.

Түркістан облысының бас имамының қатысуымен «Ақбұлақ» мешітінде «Дін мен дәстүр тағылымы», «Ихсан ілімі – бірлік пен береке кепілі», «Ақида ілімі: Ислам, Иман, Ихсан тағылымы», «Діни оңалту: Жат ағымдардың алдын алу мәселелері», «Діни іс қағаздарын жүргізудің тәртібі мен ережелері» атты 5 танымдық семинар өтті.

Семинарларға Сайрам, Төлеби, Түлкібас ауданының имамдары мен аудандық ішкі саясат бөлімінің басшылары, Ардагерлер кеңесінің төрағалары қатысты. Облыс имамы Еркебұлан Қарақұлов семинар соңында дәріске қатысқан имамдарға сертификат табыстады.