Түркістан облысында қыз-келіншектерге арналған «Әйел әдемі әдебімен» жобасы қайта жанданды.

Әйел жамағатымен жүздесу барысында рухани тәрбие, отбасылық құндылықтарды сақтау, отағасын сыйлау, әке-шеше, ата-ене, ағайын-туыс, ұл-қызбен қарым-қатынас, жәннаттық амалдар сияқты тақырыптар қамтылады. Әзірге апта сайын 8 мешітте өткізу көзделген.

Жоба аясында ұстаздар Сайрам ауданы, Қарабұлақ, Құтарыс, Манкент ауылдарында, Сарыағаш аудандық мешіті мен «Сарыағаш» медресе-колледжінде кездесті.

Сонымен қатар, Сайрам және Сарыағаш аудандық әйел-қыздар секторының ұстаздарымен жиналыс өтіп, ҚМДБ және өкілдік тапсырмаларын орындау айтылып, жаңа жылдық жоспарға ұсыныстар қабылданды.

 Қазіргі таңда облыс бойынша аталмыш екі ауданда отыздан аса әйел ұстаз қызмет етуде.