Жуырда ҚМДБ бастамасымен «Білім» апталығы аясында Түркістан өңіріндегі әйел ұстаздардың білімін жетілдіру семинары басталды.

Алғашқы семинарда облыстың бас имамы Еркебұлан Қарақұлов ақида дәрісін оқыды. Тақырып төңірегінде сұрақ-жауап алынды. Білім жетілдіруге бағытталған семинар-тренинг ай сайын өтеді деп жоспарланған.

Сондай-ақ, семинар соңынан жиналыс өтті. Облыс имамы Еркебұлан Ыбрайымұлы Әйел-қыздар секторындағы өзгерістерді хабардар етті. Оларды ҚМДБ бекіткен жұмыстың 7 бағыты мен өкілдік тапсырмаларын тиянақты орындауға шақырды. Сектор жұмысын жандандыру әрі реттеу мақсатында баспасөз қызметінің бақылауына берілгенін мәлімдеді.