Қостанай облыстық «Марал ишан» мешітінде «Құран – сенің шапағатың» тақырыбында Х республикалық Құран байқауының іріктеу сайысы өтті.

Қазылар алқасы қатысушылардың Құран тәжуидін қаншалық игергені мен махражына (әріптің дұрыс шығуы), сондай-ақ оқу мақамына әрі жаттау қабілетіне аса мән берді.

Іріктеу сайысы өңірдегі карантин жағдайына байланысты онлайн өтіп, оған 20-ға жуық қари қатысты. Олар байқауға жолдама беретін төрт номинация бойынша өзара сынға түсті. Сонымен қорытындылай келе, мәнерлеп оқу бойынша І орын Әбілқасым Абдурахманұлы еншісінде кетсе, 10 пара бойынша Ахмет Мейрамбекұлы үздік деп танылды. Сондай-ақ 20 пара бойынша Бекзат Нұрланұлы жеңімпаз атанса, 30 параны толық жаттаған қари Гуламжан Гафуржанұлы республикалық байқауға жолдама алды. Жеңіс тұғырына көтерілген қарилар мен басқа да қатысушыларға қаржылай сыйлық үлестірілді.