Биыл Тараз қаласындағы «Һибатулла Тарази» медресе-колледжінде жазғы маусымға арналған мектеп жасындағы балаларға сауат ашу курсы ұйымдастырылды.

Жазғы имани лагерде 3 топта 50-ден аса шәкірт діни сауат ашып, тәлім алып шықты. Оларға медресенің 3-курс студенттері мен «Нұр-Мүбарак» университетінің педагогикалық іс-тәжірибеден өтіп жатқан студенті сабақ берді.

Шәкірттер сенім, ғибадат, әдеп, Құран әліппесі пәндері бойынша дәріс алды. Бүгін де курс мәресіне жетіп, оқушылар сынақ емтиханын тапсырды.