Павлодар облысының бас имамы Жолдас Қоспақұлы Екібастұз қаласына арнайы іссапармен барды.

Бас имам алдымен Екібастұз қаласының әкімі Ардақ Қаңтарбаевтың қабылдауында болды. Кездесуге шаһарға жуырда ғана бас имам болып тағайындалған Дулат Қабиденұлы қатысып, өңірдегі діни ахуал мен мешіт істері сөз болды.

Бұдан кейін бас имам Екібастұз ауданына қарасты ауыл мешіттерінің имам-молдаларымен жиналыс өткізіп, ҚМДБ-ның іс-қызметтерінің 2021 жылы атқарылатын басты жеті бағыты туралы келелі әңгіме қозғап, әртүрлі сұрақтарға жауап берді.