ҚМДБ Павлодар облысы өкілдігі және облыстық дін істері басқармасының Конфессияаралық қатынастарды талдау және дамыту орталығы бірлесіп  «Намаз оқымайтын адам кәпір дейтіндерге жауап» тақырыбында онлайн семинар өткізді.

Семинарға орталық «Мәшһүр Жүсіп» мешітінің наиб имамдары, ұстаздарымен қатар қала, аудан, ауыл мешітінің имам-молдалары мен дін қызметкерлері қатысты.

Семинар модераторы облыстық Конфессияаралық қатынастарды талдау және дамыту орталығының сарапшы теологы Жолдас Қоспақұлы болды. Семинар дәрісін Нұр-Мүбарак университеті Исламтану кафедрасының аға оқытушысы Нұржан Стамбакиев өткізіп, қатысушыларға аталған тақырып бойынша кең көлемде дәріс жүргізіп, түрлі сұрақтарға жауап берді.