Қарағанды қалалық «Қазыбек би» мешітінің имамы Ысқақ Абдрахмановтың ұйымдастыруымен «Үміт» оңалту орталығында іс-шара өтті.

Қалалық «Қазыбек би» мешітінің дін қызметкерлері балалардың жанына демеу болып, жүрекке жылу сыйлар ізгі тілектері мен батасын арнады. Сондай-ақ жас жеткіншектердің көңіліне медеу мен қуаныш сыйлау мақсатында оларға әртүрлі сыйлықтар мен тәттілер берді.

Кездесу соңында Құран бағышталып, дұға оқылды. «Қазыбек би» мешіті тарапынан атқарылған қайырымдылық шарасына аурухана қызметкерлері мен ем алушы жеткіншектер алғыс жаудырды.