Шығыс Қазақстан облысы Өскемен қалалық «Мұхамади» мешіті ерекше қайырымдылық шарасын өткізді. Іс-шара барысында Өскемен қаласында тұратын 5 отбасының әрқайсысына 40 мың теңге көлемінде қайырымдылық көмегі табысталды.

«Аз қамтылған отбасыларды қолдау бағытанда осы қайырымдылық шарасын жасап отырмыз. Ислам дінінің бір ұлағаты қиналған көмек беру екені белгілі. Мешітімізге көмек сұраған адамдар көп келеді. Оларға шама-шарқымызша қол ұшын береміз» деп атап өтті «Мұхамади» мешітінің бас имамы Ибраһим Қарнақбайұлы.

Сонымен қатар мешіт имамдары мүмкіндігі шектеулі азаматтарға да ақшалай көмек берді.